ಬೆಂಗಳೂರು: ಮಲೆನಾಡಿನ ಕಲಾವಿದೆ, ನಟಿ ದಿವ್ಯ ಉರುಡುಗ ಇದೀಗ ಬಿಗ್ ಬಾಸ್ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಯಾಗಿ ಸದ್ದು ಮಾಡಿದ್ದಾರೆ.
ತೀರ್ಥಹಳ್ಳಿ ತಾಲೂಕಿನ ಸಮೀಪದ ಸುರಾನಿ ಮೂಲದ ದಿವ್ಯ ಈಗಾಗಲೇ ಕನ್ನಡ ಚಿತ್ರರಂಗದಲ್ಲಿ ಉತ್ತಮ ಹೆಸರು ಮಾಡಿದ್ದಾರೆ. ಸಿನಿಮಾ, ಜಾಹಿರಾತು ಬಳಿಕ ಇದೀಗ ರಿಯಾಲಿಟಿ ಶೋಗೂ ಎಂಟ್ರಿ ಕೊಟ್ಟಿದ್ದಾರೆ.
ಧಾರವಾಹಿಯ ಅವಕಾಶ ಗಿಟ್ಟಿಸಿಕೊಂಡು ಬೆಂಗಳೂರಿಗೆ ಬಂದ ಹುಡುಗಿ ದಿವ್ಯ ತನ್ನ ನಟನೆ, ಚೆಲುವು, ಮುದ್ದು ನಗುವಿನಿಂದ ಸಿನಿಮಾ ಹಾಗೂ ಸೀರಿಯಲ್ ಅಭಿಮಾನಿಗಳ ಮನ ಗೆದ್ದಿದ್ದಾರೆ. ಅನೇಕ ಸಿನಿ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ.
ಹುಲಿರಾಯ, ಫೇಸ್ ಟೂ ಫೇಸ್ ಸೇರಿ 5 ಸಿನಿಮಾದಲ್ಲಿ ನಟಿಯಾಗಿದ್ದಾರೆ. ಇನ್ನು ಹಲವು ಪ್ರಾಜೆಕ್ಟ್ ಮಾಡುತ್ತಿದ್ದಾರೆ. 5 ಸಿನಿಮಾ 4 ಸೀರಿಯಲ್ ಮಾಡಿ ಯಶಸ್ವಿಯಾಗಿರುವ ಇವರು ಇದೀಗ ಬಿಗ್ ಬಾಸ್ ಸೀಸನ್ 8 ರ ಸ್ಪರ್ಧಿಯಾಗಿ ಗಮನ ಸೆಳೆದಿದ್ದಾರೆ.
ಮಲೆನಾಡಿನ ನಟಿ ಬಿಗ್ ಬಾಸ್ ಸ್ಪರ್ಧೆಯಲ್ಲಿ ಗೆಲ್ಲಲಿ ಎಂಬುದು ನಮ್ಮ ಆಶಯ.
