ಕಾಲೇಜಿನ ಆವರಣದಲ್ಲಿ ಮುಂಜಾನೆ ಏರ್ಪಟ್ಟ ಕಾರ್ಯಕ್ರಮವನ್ನು ಶ್ರೀ ಸಿದ್ಧಾರ್ಥ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಕೆ.ಎಸ್. ಕುಮಾರ್, ಸೂರ್ಯ ಆರೋಗ್ಯ ಮತ್ತು ಐಶ್ವರ್ಯ ದತ್ತ ಎಂಬ ಕಾರಣಕ್ಕೆ ಆತನನ್ನು ಭಕ್ತಿ-ಭಾವದಿಂದ ಪೂಜಿಸಲಾಗುತ್ತದೆ. ಅಲ್ಲದೆ ಬೆಳಗ್ಗಿನ ಸೂರ್ಯನ ಎಳೆಬಿಸಿಲಲ್ಲಿ ದೇಹಕ್ಕೆ ಶಕ್ತಿ ನೀಡುವ, ಪುಷ್ಟಿ ನೀಡುವ ಅಂಶಗಳಿರುವುದರಿಂದ ಉತ್ತಮ ಆರೋಗ್ಯಕ್ಕೆ ಯೋಗ ಮುಖ್ಯ ಎಂದರು.
ಪ್ರಾಣಿ ಸಂಕುಲಗಳೆಲ್ಲವೂ ಬಿಸಿಲಿಗೆ ಮೈ ಒಡ್ಡುವುದನ್ನು ಕಾಣುತ್ತೇವೆ. ಇದು ಪ್ರಕೃತಿಯ ಪಾಠವು-ವರದಾನವಾಗಿದೆ. ಇದು ವೈಜ್ಞಾನಿಕವಾಗಿ ಸಾಬೀತಾಗಿದೆ. ಅಲ್ಲದೆ ದೇಹಕ್ಕೆ ಅತ್ಯಗತ್ಯವಾದ ವಿಟಾಮಿನ್ ಡಿ ಅಂಶ ಸೂರ್ಯಕಿರಣದಲ್ಲಿ ಹೇರಳವಾಗಿರುತ್ತದೆ ಎಂದು ಅವರು ಹೇಳಿದರು.
ತುಮಕೂರು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಚಿ.ನಿ.ಪುರುಷೋತ್ತಮ, ಯೋಗ ಗುರು ರಶ್ಮಿ ಜೋಶಿ, ನಗರದ ವಿವಿಧ ಬಡಾವಣೆಯ ಯೋಗಪಟುಗಳು ಈ ’ಸೂರ್ಯ ನಮಸ್ಕಾರ’ದಲ್ಲಿ ಪಾಲ್ಗೊಂಡಿದ್ದರು.
ಪ್ರಪಂಚದ ಮೂಲೆ ಮೂಲೆಗೂ ಬೆಳಕಿನ ಕಾಣಿಕೆಯನ್ನು ಒದಗಿಸಬಲ್ಲ ಸೂರ್ಯ ತನ್ನ ಪಥ ಸಂಚಲನ ಮಾಡುವ ಅಮೃತ ಘಳಿಗೆಯಾದ ರಥಸಪ್ತಮಿ ಆಚರಣೆ ಸೂರ್ಯೋಪಾಸನೆಯ ಪ್ರತೀಕ ಎಂಬ ನಂಬಿಕೆ ಹಿನ್ನಲೆಯಲ್ಲಿ ಈ ’ಸೂರ್ಯ ನಮಸ್ಕಾರ’ ಹಮ್ಮಿಕೊಳ್ಳಲಾಗಿತ್ತು.
