ಹನೂರು: ಆಪ್‌ನಿಂದ ಹರೀಶ್ ಸ್ಪರ್ಧೆ
ಹನೂರು: ಹನೂರು ವಿಧಾನಸಭಾ ಕ್ಷೇತ್ರಕ್ಕೆ ಮತ್ತಿಪುರ ಗ್ರಾಮದ ಕೆ.ಹರೀಶ್‌ವರನ್ನು ಆಮ್ ಆದ್ಧಿ ಪಕ್ಷದಿಂದ ಅಧಿಕೃತ ಅಭ್ಯರ್ಥಿಯನ್ನಾಗಿ ಘೋಷಣೆ ಮಾಡಲಾಗಿದೆ.
ಹರೀಶ್‌ರವರು ಕನ್ನಡ, ತಮಿಳು, ತೆಲುಗು, ಮಲಯಾಳಂ ಹಾಗೂ ಬಾಲಿವುಡ್ ನ 350ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ಸಾಹಸ ಕಲಾವಿದರಾಗಿ ಕೆಲಸ ಮಾಡಿದ್ದಾರೆ.
ಐಟಿ ಇಂಜಿನಿಯರ್ ಆಗಿ ಹಲವಾರು ಸಂಸ್ಥೆಗಳಲ್ಲಿ ಸೇವೆ ಸಲ್ಲಿಸಿ ದ್ದಾರೆ. ಸ್ವಯಂ ಉದ್ಯೋಗ ಕಾರ್ಯಕ್ರಮದ ಮೂಲಕ ಮೊಬೈಲ್ ರಿಪೇರಿ, ಹಾರ್ಡ್ ವೇರ್ ಮತ್ತು ನೆಟ್‌ವರ್ಕಿಂಗ್, ಕಂಪ್ಯೂಟರ್ ಪ್ರೋಗ್ರಾಂ ತರಗತಿಗಳು, ಮಹಿಳೆಯರಿಗೆ ಟೈಲರಿಂಗ್ ತರಗತಿಗಳು, ದ್ವಿಚಕ್ರ ವಾಹನ ಚಾಲನೆ, ಬ್ಯೂಟಿಷಿಯನ್ ತರಗತಿ ಸೇರಿದಂತೆ ಹಲವು ಸೇವಾ ಕಾರ್ಯಗಳನ್ನು ನಡೆಸುತ್ತಿದ್ದಾರೆ. ಆಮ್ ಆದ್ಧಿ ಪಕ್ಷದ ವತಿಯಿಂದ ಮೊಟ್ಟಮೊದಲ ಬಾರಿಗೆ ಚುನಾವಣೆಯಲ್ಲಿ ಸ್ಪರ್ಧಿಸಲು ತಯಾರಿ ಮಾಡಿಕೊಂಡಿದ್ದಾರೆ.
ವರದಿ :- ನಾಗೇಂದ್ರ ಪ್ರಸಾದ್