ಇದೇ ಮೇ 10ರ ಬೆಳಿಗ್ಗೆ 6 ಗಂಟೆಯಿಂದ ಅನ್ವಯವಾಗುವಂತೆ ಹೊಸ ಲಾಕ್‌ಡೌನ್‌ನ್ನು ಕರ್ನಾಟಕ ಸರಕಾರ ಘೋಷಿಸಿದೆ. ಇದು ಈಗಿನ ಲಾಕ್‌ಡೌನ್‌ಗಿಂತಲೂ ಕಠಿಣವಾಗಿರಲಿದ್ದು, ಮತ್ತಷ್ಟು ಹೆಚ್ಚುವರಿ ನಿರ್ಬಂಧಗಳನ್ನು ಹೇರಲಾಗಿದೆ. ಅವುಗಳ ಸಂಪೂರ್ಣ ವಿವರಗಳು ಇಲ್ಲಿವೆ.
ಹೈಲೈಟ್ಸ್‌:
➤ ಇದೇ ಮೇ 10ರ ಬೆಳಿಗ್ಗೆ 6 ಗಂಟೆಯಿಂದ ಅನ್ವಯವಾಗುವಂತೆ ಹೊಸ ಲಾಕ್‌ಡೌನ್‌ನ್ನು ಘೋಷಿಸಿದ ಕರ್ನಾಟಕ ಸರಕಾರ
➤ ಇದು ಈಗಿನ ಲಾಕ್‌ಡೌನ್‌ಗಿಂತಲೂ ಕಠಿಣವಾಗಿರಲಿದ್ದು, ಮತ್ತಷ್ಟು ಹೆಚ್ಚುವರಿ ನಿರ್ಬಂಧಗಳನ್ನು ಹೇರಲಾಗಿದೆ.
➤ ಅಗತ್ಯ ವಸ್ತುಗಳ ಖರೀದಿಗೆ ಬೆಳಿಗ್ಗೆ 6-10ರವರೆಗೆ ಮಾತ್ರ ಅವಕಾಶ, ಹಾಲಿನ ಬೂತ್‌ಗಳು ಹಾಗೂ ತಳ್ಳುಗಾಡಿಗಳಿಗೆ ಬೆಳಿಗ್ಗೆ 6 – ಸಂಜೆ 6ರ ವರೆಗೆ ಅವಕಾಶವಿದೆ.
➤ ಸ್ಥಳದಲ್ಲಿಯೇ ಕಾರ್ಮಿಕರು/ ಸಿಬ್ಬಂದಿ ಲಭ್ಯವಿರುವ ಕೈಗಾರಿಕೆಗಳು, ನಿರ್ಮಾಣ ಚಟುವಟಿಕೆಗಳಿಗೆ ಮಾತ್ರ ಅನುಮತಿ ನೀಡಲಾಗಿದೆ.
ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಪ್ರಕರಣಗಳು ನಿಯಂತ್ರಣಕ್ಕೆ ಬರದೇ ಇರುವ ಹಿನ್ನೆಲೆಯಲ್ಲಿ ಇದೇ ಮೇ 10ರ ಬೆಳಿಗ್ಗೆ 6 ಗಂಟೆಯಿಂದ ಪ್ರಾರಂಭಿಸಿ ಮೇ 24ರ ಬೆಳಿಗ್ಗೆ 6 ಗಂಟೆವರೆಗೆ ಸಂಪೂರ್ಣ ಲಾಕ್‌ಡೌನ್‌ ಘೋಷಿಸಿ ಕರ್ನಾಟಕ ಸರಕಾರ ಆದೇಶ ಹೊರಡಿಸಿದೆ.
ಇದು ಈಗಿನ ಲಾಕ್‌ಡೌನ್‌ಗಿಂತಲೂ ಕಠಿಣವಾಗಿರಲಿದ್ದು, ಮತ್ತಷ್ಟು ಹೆಚ್ಚುವರಿ ನಿರ್ಬಂಧಗಳನ್ನು ಹೇರಲಾಗಿದೆ. ಪ್ರಮುಖ ಅಂಶಗಳೆಂದರೆ, ಅಗತ್ಯ ವಸ್ತುಗಳನ್ನು ಬೆಳಿಗ್ಗೆ 6-10ರ ಒಳಗೆ ಖರೀದಿಸಬೇಕು. ಹಾಲಿನ ಬೂತ್‌ಗಳು ಹಾಗೂ ತಳ್ಳುಗಾಡಿಗಳಲ್ಲಿ ತರಕಾರಿ ಮಾರಾಟಕ್ಕೆ ಬೆಳಿಗ್ಗೆ 6 ರಿಂದ ಸಂಜೆ 6ರ ವರೆಗೆ ಅವಕಾಶವಿದೆ.
ಸ್ಥಳದಲ್ಲಿಯೇ ಕಾರ್ಮಿಕರು/ ಸಿಬ್ಬಂದಿ ಲಭ್ಯವಿರುವ ಕೈಗಾರಿಕೆಗಳು/ ಉತ್ಪಾದನಾ ಘಟಕಗಳು ಕಾರ್ಯ ನಿರ್ವಹಿಸಬಹುದು. ಸ್ಥಳದಲ್ಲಿಯೇ ಕಾರ್ಮಿಕರು, ಕೆಲಸಗಾರರನ್ನು ಹೊಂದಿರುವ ನಿರ್ಮಾಣ ಚಟುವಟಿಕೆಗಳಿಗೆ ಹಾಗೂ ರಸ್ತೆ ಕಾಮಗಾರಿಗಳಿಗೆ ಅನುಮತಿ ನೀಡಲಾಗಿದೆ.
>> ಯಾವುದಕ್ಕೆಲ್ಲಾ ನಿರ್ಬಂಧ?
➤ ಈಗಾಗಲೇ ನಿಗದಿಯಾಗಿರುವ ವಿಮಾನ, ರೈಲುಗಳು ಮಾತ್ರ ಓಡಾಡಲಿವೆ. ಇದಕ್ಕೆ ಟಿಕೆಟ್‌ನ್ನೇ ಪಾಸ್‌ ರೀತಿಯಲ್ಲಿ ಬಳಸಲು ಸೂಚಿಸಲಾಗಿದೆ.
➤ ಮೆಟ್ರೋ, ಆಟೋ ರಿಕ್ಷಾ, ಕ್ಯಾಬ್‌, ಸಾರಿಗೆ ಬಸ್‌ಗಳು ಇರುವುದಿಲ್ಲ. ತುರ್ತು ಬಳಕೆಗೆ ಮಾತ್ರ ಕ್ಯಾಬ್‌ಗಳನ್ನು ಬಳಸಬಹುದು.
➤ ಶಾಲೆ, ಕಾಲೇಜು ಯಾವುದೂ ಇಲ್ಲ. ಆನ್‌ಲೈನ್‌ ಶಿಕ್ಷಣ ಮಾತ್ರ ಮುಂದುವರಿಯಲಿದೆ.
➤ ಹೋಟೆಲ್‌, ರೆಸ್ಟೋರೆಂಟ್‌, ಅತಿಥಿ ಗೃಹಗಳು ಇರುವುದಿಲ್ಲ. ಹೋಟೆಲ್‌ಗಳಲ್ಲಿ ಪಾರ್ಸೆಲ್‌ ಸೇವೆಗೆ ಅಡುಗೆ ಕೋಣೆ ತೆರೆದಿರಬಹುದು. ಇದಲ್ಲದೆ, ಆರೋಗ್ಯ ಸಿಬ್ಬಂದಿ, ಪೊಲೀಸರು, ಸರಕಾರಿ ಅಧಿಕಾರಿಗಳು ಹಾಗೂ ರಾಜ್ಯದಲ್ಲಿ ಸಿಲುಕಿಕೊಂಡ ಪ್ರವಾಸಿಗಳು ಮಾತ್ರ ಹೋಟೆಲ್‌ಗಳಲ್ಲಿ ಉಳಿದುಕೊಳ್ಳಬಹುದು. ಪಾರ್ಸೆಲ್‌ ತೆಗೆದುಕೊಳ್ಳಲು ವಾಹನದಲ್ಲಿ ಹೋಗುವಂತಿಲ್ಲ, ನಡೆದುಕೊಂಡು ಬೇಕಿದ್ದರೆ ಹೋಗಬಹುದು. ಹೋಂ ಡೆಲಿವರಿಗೆ ಅವಕಾಶವಿದೆ.
➤ ಸಿನಿಮಾ ಮಂದಿರ, ಜಿಮ್‌, ಸ್ಪಾ, ಶಾಪಿಂಗ್‌ ಮಾಲ್‌, ಯೋಗ ಕೇಂದ್ರ, ಕ್ರೀಡಾ ಚಟುವಟಿಕೆಗಳು, ಮನರಂಜನಾ ತಾಣಗಳು, ಅಮ್ಯೂಸ್‌ಮೆಂಟ್‌ ಪಾರ್ಕ್‌ಗಳು, ಕ್ಲಬ್‌ಗಳು, ಬಾರ್, ಅಡಿಟೋರಿಯಂಗಳನ್ನು ತೆರೆಯುವಂತಿಲ್ಲ.
➤ ಎಲ್ಲಾ ಸಾಮಾಜಿಕ, ರಾಜಕೀಯ, ಕ್ರೀಡೆ, ಮನರಂಜನೆ, ಶೈಕ್ಷಣಿಕ, ಸಾಂಸ್ಕೃತಿಕ, ಧಾರ್ಮಿಕ ಕಾರ್ಯಕ್ರಮಗಳಿಗೆ ಅವಕಾಶ ಇಲ್ಲವೇ ಇಲ್ಲ.
➤ ಎಲ್ಲಾ ಧಾರ್ಮಿಕ ಕ್ಷೇತ್ರಗಳು ಮುಚ್ಚರಲಿವೆ. ಪೂಜೆ ಸಲ್ಲಿಸಲು ಮಾತ್ರ ಅರ್ಚಕರಿಗೆ ಅವಕಾಶವಿದೆ.
>> ಸರಕಾರಿ ಕಚೇರಿಗಳೂ ಬಂದ್‌, ಕೆಲವು ಮಾತ್ರ ಓಪನ್‌
ಕಂಟೈನ್‌ಮೆಂಟ್‌ ಝೋನ್‌ನ ಹೊರಗಡೆ ಸರಕಾರಿ, ಸ್ವಾಯತ್ತ, ನಿಗಮಗಳ ಕೆಲವು ಕಚೇರಿಗಳು ಮಾತ್ರ ತೆರೆದಿರಲಿವೆ. ಉಳಿದವು ಮುಚ್ಚಿರಲಿವೆ. ತೆರೆದಿರುವ ಕಚೇರಿಗಳ ವಿವರಗಳು ಹೀಗಿದೆ,
➤ ಆರೋಗ್ಯ, ವೈದ್ಯಕೀಯ ಶಿಕ್ಷಣ, ಪೊಲೀಸ್, ಗೃಹ ರಕ್ಷಕ, ಬಂಧೀಖಾನೆ, ಸಿವಿಲ್‌ ಡಿಫೆನ್ಸ್‌, ಅಗ್ನಿಶಾಮಕ ಮತ್ತು ತುರ್ತುಸೇವೆ, ವಿಕೋಪ ನಿರ್ವಹಣೆ, ಕಂದಾಯ, ಉಪನೋಂದಣಾಧಿಕಾರಿ ಮತ್ತು ಜೈಲುಗಳು ಮಾತ್ರ ತೆರೆದಿರಲಿವೆ.
➤ ಅಗತ್ಯ ಸೇವೆಗಳನ್ನು ನೀಡುವ ನೀರು, ನೈರ್ಮಲ್ಯ, ವಿದ್ಯುತ್‌ಗೆ ಸಂಬಂಧಿಸಿದ ಕಚೇರಿಗಳು ತೆರೆದಿರಲಿವೆ.
➤ಬಿಬಿಎಂಪಿ, ನಗರ ಸ್ಥಳೀಯ ಸಂಸ್ಥೆಗಳ ಕಚೇರಿಗಳು, ಡಿಸಿ ಕಚೇರಿ, ಕೆಳಹಂತದ ಕಚೇರಿಗಳು ತೆರೆದಿರಲಿವೆ.
➤ ವಿಧಾನಸೌಧ, ವಿಕಾಸಸೌಧ, ಎಂಎಸ್‌ ಬಿಲ್ಡಿಂಗ್‌, ಡಿಪಿಎಆರ್‌ ಕಚೇರಿಗಳ ನಿರ್ವಹಣೆ ಸಂಬಂಧ ಪ್ರತ್ಯೇಕ ಮಾರ್ಗಸೂಚಿ ಹೊರಡಿಸಲಾಗುತ್ತದೆ.
➤ ಕೋರ್ಟ್‌ ಮತ್ತು ನ್ಯಾಯಾಂಗಕ್ಕೆ ಸಂಬಂಧಿಸಿದ ಕಚೇರಿ ಕೆಲಸಗಳು ಹೈಕೋರ್ಟ್‌ ಹೊರಡಿಸಿದ ಮಾರ್ಗಸೂಚಿಯನ್ವಯ ಮುಂದುವರಿಯುತ್ತವೆ.
➤ ಕೊರೊನಾ ಸಂಬಂಧಿ ಕೆಲಸಕ್ಕೆ ನಿಯೋಜನೆಗೊಂಡ ಕಚೇರಿಗಳು, ಅಧಿಕಾರಿಗಳು ಕಾರ್ಯನಿರ್ವಹಿಸಲಿದ್ದಾರೆ.
➤ ಖಾಜಾನೆ ಕಚೇರಿಗಳು ತೆರೆದಿರಲಿವೆ.
➤ ಅರಣ್ಯ ಇಲಾಖೆ ಘೋಷಿಸಿದ ಇಲಾಖೆ ಸಂಬಂಧಿ ಕೆಲಸಗಳು ಮುಂದುವರಿಯಲಿವೆ.
=>> ಉಳಿದೆಲ್ಲಾ ಸರಕಾರಿ ಸಿಬ್ಬಂದಿಗೆ ವರ್ಕ್‌ ಫ್ರಂ ಹೋಮ್‌ ಮಾಡುವಂತೆ ಸೂಚಿಸಲಾಗಿದೆ. ಇನ್ನು ಕೇಂದ್ರ ಸರಕಾರದ ಈ ಕೆಳಗಿನ ಕಚೇರಿಗಳ ಕಾರ್ಯನಿರ್ವಹಣೆಗೂ ಅವಕಾಶ ನೀಡಲಾಗಿದೆ. ಅವುಗಳು ಹೀಗಿವೆ,
➤ ಭದ್ರತೆ, ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆ, ಟೆಲಿಕಮ್ಯುನಿಕೇಷನ್‌, ಡಿಫೆನ್ಸ್‌ ಪಿಎಸ್‌ಯುಗಳ ಕಾರ್ಯಾಚರಣೆಗೆ ಅವಕಾಶವಿದೆ.
➤ ಅಗತ್ಯ ಸೇವಗಳ ಅಡಿಯಲ್ಲಿ ಬರುವ ಕಚೇರಿಗಳ (ಟೆಲಿಕಾಂ ಹಾಗೂ ಇತರ) ಕಾರ್ಯನಿರ್ವಹಣೆಗೆ ಅವಕಾಶವಿದೆ.
➤ ಖಜಾನೆ, ಆರ್ಥಿಕ ಸಲಹೆಗಾರರು, ಸಿಎಜಿ ಕಾರ್ಯಚರಣೆಗೆ ಅವಕಾಶವಿದೆ.
➤ ಪೆಟ್ರೋಲ್‌, ಡೀಸೆಲ್‌, ಎಲ್‌ಪಿಜಿ ಹಾಗೂ ಪಿಎನ್‌ಜಿ ಗ್ಯಾಸ್‌ ಕೇಂದ್ರಗಳು, ವಿದ್ಯುತ್‌ ಉತ್ಪಾದನೆ ಮತ್ತ ಸರಬರಾಜು ಕೇಂದ್ರಗಳು, ವಿಕೋಪ ನಿರ್ವಹಣಾ ಕೇಂದ್ರಗಳು, ಅಂಚೆ ಕಚೇರಿ ಮತ್ತು ಮುನ್ನೆಚ್ಚರಿಕೆ ನೀಡುವ ಕೇಂದ್ರಗಳು ತೆರೆದಿರಲಿವೆ.
➤ ರಾಷ್ಟ್ರೀಯ ಮಾಹಿತಿ ಕೇಂದ್ರದ ಕಾರ್ಯನಿರ್ವಹಣೆಗೂ ಅವಕಾಶವಿದೆ.
➤ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್‌, ಜಿಎಸ್‌ಟಿಎನ್‌, ಎಂಸಿಎ 21 ಕಚೇರಿಗಳು ಕನಿಷ್ಠ ಸಿಬ್ಬಂದಿಯೊಂದಿಗೆ ಕಾರ್ಯನಿರ್ವಹಿಸಲಿವೆ.
➤ ಬ್ಯಾಂಕ್‌, ಆರ್‌ಬಿಐ, ಆರ್‌ಬಿಐ ನಿಯಂತ್ರಿತ ಹಣಕಾಸು ಮಾರುಕಟ್ಟೆಗಳು, ಮೈಕ್ರೋ ಫೈನಾನ್ಸ್‌ ಸಂಸ್ಥೆಗಳು ಇರಲಿವೆ.
➤ ರೈಲ್ವೆ ಮತ್ತು ಅದಕ್ಕೆ ಸಂಬಂಧಿಸಿದ ಕಾರ್ಯಾಚರಣೆಗಳಿಗೂ ಅವಕಾಶ ನೀಡಲಾಗಿದೆ.
>> ಆರೋಗ್ಯ ಸೇವೆಗಿಲ್ಲ ತೊಂದರೆ
➤ ಆಯುಷ್‌, ಪಶು ಆರೋಗ್ಯ ಕೇಂದ್ರಗಳು, ಲ್ಯಾಬ್‌ಗಳು, ಕ್ಲಿನಿಕ್‌ಗಳು ಬ್ಲಡ್‌ ಬ್ಯಾಂಕ್‌ಗಳು, ಮೆಡಿಕಲ್‌ಗಳು ಸೇರಿದಂತೆ ಆರೋಗ್ಯ ಸೇವೆಗೆ ಸಂಬಂಧಿಸಿದ ಎಲ್ಲಾ ಚಟುವಟಿಕೆಗಳಿಗೂ ಮುಕ್ತ ಅವಕಾಶ ನೀಡಲಾಗಿದೆ.
➤ ಎಲ್ಲಾಔಷಧೀಯ ಮತ್ತು ಸಂಶೋಧನಾ ಪ್ರಯೋಗಾಲಯಗಳನ್ನು ತೆರೆಯಲು ಅವಕಾಶವಿದೆ.
➤ ಎಲ್ಲಾ ವೈದ್ಯಕೀಯಗಳ ಸಿಬ್ಬಂದಿಗಳಾದ ಅರೆವೈದ್ಯರು, ದಾದಿಯರು, ವಿಜ್ಞಾನಿಗಳು, ಲ್ಯಾಬ್ ತಂತ್ರಜ್ಞರು, ಸಹಾಯಕರಿಗೆ ರಾಜ್ಯದ ಒಳಗೆ ಮತ್ತು ಅಂತಾರಾಜ್ಯ, ಜಿಲ್ಲೆಯೊಳಗೆ ಮತ್ತು ಅಂತರ್‌ ಜಿಲ್ಲೆ ಪ್ರಯಾಣಕ್ಕೆ ಅವಕಾಶವಿದೆ.
➤ ಎಲ್ಲಾಔಷಧೀಯ ಮತ್ತು ಸಂಶೋಧನಾ ಪ್ರಯೋಗಾಲಯಗಳನ್ನು ತೆರೆಯಲು ಅವಕಾಶವಿದೆ.
➤ ಎಲ್ಲಾ ವೈದ್ಯಕೀಯಗಳ ಸಿಬ್ಬಂದಿಗಳಾದ ಅರೆವೈದ್ಯರು, ದಾದಿಯರು, ವಿಜ್ಞಾನಿಗಳು, ಲ್ಯಾಬ್ ತಂತ್ರಜ್ಞರು, ಸಹಾಯಕರಿಗೆ ರಾಜ್ಯದ ಒಳಗೆ ಮತ್ತು ಅಂತಾರಾಜ್ಯ, ಜಿಲ್ಲೆಯೊಳಗೆ ಮತ್ತು ಅಂತರ್‌ ಜಿಲ್ಲೆ ಪ್ರಯಾಣಕ್ಕೆ ಅವಕಾಶವಿದೆ.
➤ ಔಷಧಗಳು, ವೈದ್ಯಕೀಯ ಸಾಧನಗಳು, ವೈದ್ಯಕೀಯ ಆಮ್ಲಜನಕ, ಅವುಗಳ ಪ್ಯಾಕಿಂಗ್ ವಸ್ತು, ಕಚ್ಚಾ ವಸ್ತು ಮತ್ತು ಇತರ ಎಲ್ಲಾ ಉತ್ಪಾದನಾ ಘಟಕಗಳನ್ನು ತೆರೆಯಲು ಅವಕಾಶವಿದೆ.
➤ ವೈದ್ಯಕೀಯ ಕ್ಷೇತ್ರಕ್ಕೆ ಸಂಬಂಧಿಸಿದ ನಿರ್ಮಾಣ ಚಟುವಟಿಕೆಗಳು ಮುಂದುವರಿಯಲಿವೆ.
>> ಕೃಷಿ, ಸರಕು ಸಾಗಾಟ, ಆಶ್ರಮಗಳಿಗಿಲ್ಲ ಅಡ್ಡಿ
➤ ಎಲ್ಲಾ ಕೃಷಿ ಮತ್ತು ಸಂಬಂಧಿತ ಚಟುವಟಿಕೆಗಳನ್ನು ಅನುಮತಿ ನೀಡಲಾಗಿದೆ. ಕೃಷಿಗೆ ಸಂಬಂಧಿಸಿದ ಅಂಗಡಿ, ಗೋದಾಮು, ಯಂತ್ರೋಪಕರಣಗಳಿಗೆ ಬೆಳಿಗ್ಗೆ 6 ರಿಂದ ಬೆಳಿಗ್ಗೆ 10 ರವರೆಗೆ ಅನುಮತಿ ಇದೆ. ಸಂಬಂಧಿತ ಚಟುವಟಿಕೆಗಳಲ್ಲಿ ಮೀನುಗಾರಿಕೆ, ಕೋಳಿ, ಮಾಂಸ, ಡೈರಿ ಇತ್ಯಾದಿ. ಸೇರಿವೆ.
➤ ಮಕ್ಕಳು, ವಿಕಲಾಂಗರು, ಬುದ್ದಿ ಮಾಂದ್ಯರು, ಹಿರಿಯರು, ವಿಧವೆಯರಿಗೆ ಆಶ್ರಯ ನೀಡಿರುವ ಅನಾಥಾಶ್ರಮ, ವೃದ್ಧಾಶ್ರಮ ಸೇರಿ ಆಶ್ರಮಗಳು, ಮೇಲ್ವಿಚಾರಣೆ ಕೇಂದ್ರಗಳು, ಆರೈಕೆ ಕೇಂದ್ರಗಳು ತೆರೆದಿರಲಿವೆ.
➤ ಮಕ್ಕಳು, ವಿಕಲಾಂಗರು, ಬುದ್ದಿ ಮಾಂದ್ಯರು, ಹಿರಿಯರು, ವಿಧವೆಯರಿಗೆ ಆಶ್ರಯ ನೀಡಿರುವ ಅನಾಥಾಶ್ರಮ, ವೃದ್ಧಾಶ್ರಮ ಸೇರಿ ಆಶ್ರಮಗಳು, ಮೇಲ್ವಿಚಾರಣೆ ಕೇಂದ್ರಗಳು, ಆರೈಕೆ ಕೇಂದ್ರಗಳು ತೆರೆದಿರಲಿವೆ.
➤ ಕೋವಿಡ್‌ ಸುರಕ್ಷತಾ ಕ್ರಮಗಳೊಂದಿಗೆ ನರೇಗಾ ಕೆಲಸಗಳೂ ಮುಂದುವರಿಯಲಿವೆ.
➤ ಕಂಟೈನ್‌ಮೆಂಟ್‌ ಝೋನ್‌ ಹೊರಗಡೆ ಎಲ್ಲಾ ರೀತಿಯ ಸರಕು ಸಾಗಣೆಗೆ ಅನುಮತಿ ಇದೆ. ಖಾಲಿ ವಾಹನ ಓಡಾಟಕ್ಕೂ ಅವಕಾಶವಿದೆ. ಇದಕ್ಕೆ ಯಾವುದೇ ಅನುಮತಿ ಅಗತ್ಯವಿಲ್ಲ.
>> ಜನರ ಓಡಾಟಕ್ಕೆ ಸಂಪೂರ್ಣ ನಿರ್ಬಂಧ
➤ ಮಾರ್ಗಸೂಚಿಯಲ್ಲಿ ಅನುಮತಿ ನೀಡಿದ್ದನ್ನು ಹೊರತುಪಡಿಸಿ ಖಾಸಗಿ, ಸರಕಾರಿ ಬಸ್‌, ವಾಹನಗಳ ಓಡಾಟಕ್ಕೆ ಅನುಮತಿ ಇಲ್ಲ.
➤ ಅಂತಾರಾಜ್ಯ ಮತ್ತು ರಾಜ್ಯದ ಒಳಗೆ, ಜಿಲ್ಲೆಯ ಒಳಗೆ ತುರ್ತು ಪರಿಸ್ಥಿತಿಯಲ್ಲಿ ಮಾತ್ರ ಜನರು ಮತ್ತು ವಾಹನಗಳ ಓಡಾಟಕ್ಕೆ ಅವಕಾಶವಿದೆ.
➤ ಏರ್‌ಪೋರ್ಟ್‌ ಬಸ್‌, ಟಾಕ್ಸಿ ಇರಲಿದೆ. ಪ್ರಯಾಣಕ್ಕೆ ದಾಖಲೆಗಳು ಕಡ್ಡಾಯ
➤ ಆಟೋ, ಕ್ಯಾಬ್‌ ತುರ್ತು ಸಂದರ್ಭಗಳಲ್ಲಿ ಮಾತ್ರ ಬಳಸಬಹುದು.
➤ ನಿರ್ಮಾಣ ಚಟುವಟಿಕೆಯಲ್ಲಿ ತೊಡಗಿರುವ ಕಾರ್ಮಿಕರು ಓಡಾಟಕ್ಕೆ ಆಯಾ ಕಂಪನಿಯಿಂದ ನೀಡಲಾದ ಐಡಿ ಕಾರ್ಡ್‌ ಹೊಂದಿರಬೇಕು
➤ ರೋಗಿಗಳು, ಅವರ ಸಂಬಂಧಿಕರ ಪ್ರಯಾಣಕ್ಕೆ ಅವಕಾಶವಿದೆ.
➤ ಅನುಮತಿ ಇರುವ ಸರಕಾರಿ ಅಧಿಕಾರಿಗಳೂ ಪ್ರಯಾಣದ ವೇಳೆ ತಮ್ಮ ಗುರುತಿ ಚೀಟಿ ತೋರಿಸುವುದ ಕಡ್ಡಾಯ
➤ ಕರ್ನಾಟಕದ ಹೈಕೋರ್ಟ್‌ ಹಾಗೂ ಜಿಲ್ಲಾ ನ್ಯಾಯಾಲಯಗಳ ಅಧಿಕಾರಿಗಳು / ಸಿಬ್ಬಂದಿಗಳ ಚಲನೆಗೆ ಕಚೇರಿ ಸಮಯವನ್ನು ಮೀರಿ ಓಡಾಟಕ್ಕೂ ಅವಕಾಶ ನೀಡಲಾಗಿದೆ.
➤ ರೋಗಿಗಳು ಮತ್ತು ಅವರ ಪರಿಚಾರಕರು / ತುರ್ತು ಅಗತ್ಯವಿರುವ ವ್ಯಕ್ತಿಗಳಿಗೆ ಚಲಿಸಲು ಅನುಮತಿ ನೀಡಲಾಗಿದೆ. ವ್ಯಾಕ್ಸಿನೇಷನ್ ಮತ್ತು ಪರೀಕ್ಷೆಗಾಗಿ ತೆರಳುವವರಿಗೂ ಅನುಮತಿ ಇದೆ. ಇದಕ್ಕೆ ಕನಿಷ್ಠ ಪುರಾವೆಗಳನ್ನು ತೋರಿಸಬೇಕಾಗುತ್ತದೆ.
>> ಏನೆಲ್ಲಾ ಇರಲಿದೆ?
➤ ನ್ಯಾಯಬೆಲೆ ಅಂಗಡಿಗಳು, ದಿನಸಿ, ತರಕಾರಿ ಮತ್ತು ಹಣ್ಣು, ಹಾಲು ಮತ್ತು ಬೇಕರಿ ಉತ್ಪನ್ನಗಳು, ಮಾಂಸ ಮತ್ತು ಮೀನು ಮತ್ತು ಪ್ರಾಣಿಗಳ ಮೇವಿನ ಅಂಗಡಿಗಳು, ಮದ್ಯದ ಅಂಗಡಿಗಳು ಬೆಳಿಗ್ಗೆ 6 ರಿಂದ 10ಗಂಟೆವರೆಗೆ ಮಾತ್ರ ತೆರೆದಿರಲಿವೆ. ಹೋಮ್‌ ಡೆಲಿವರಿಗೆ ಅವಕಾಶವಿದೆ. ತಳ್ಳುಗಾಡಿಗಳು, ಹಾಲಿನ ಬೂತ್‌ಗಳು, ಹಾಪ್‌ಕಾಮ್ಸ್‌ಗಳು ಬೆಳಿಗ್ಗೆ 6 ರಿಂದ ಸಂಜೆ 6ರವರೆಗೆ ತೆರೆದಿರಲಿವೆ.
➤ ಆಹಾರ ಸಂಸ್ಕರಣೆ ಹಾಗೂ ಇದಕ್ಕೆ ಸಂಬಂಧಿಸಿದ ಕೈಗಾರಿಕೆಗಳು, ಸಂಸ್ಥೆಗಳ ಕಾರ್ಯ ನಿರ್ವಹಣೆಗೆ ಅಡ್ಡಿ ಇಲ್ಲ.
➤ ಬ್ಯಾಂಕ್‌, ಇನ್ಶೂರೆನ್ಸ್‌ ಕಂಪನಿ, ಎಟಿಎಂ ತೆರೆದಿರಲಿವೆ.
➤ ಮುದ್ರಣ ಹಾಗೂ ಎಲೆಕ್ಟ್ರಾನಿಕ್‌ ಮಾಧ್ಯಮಗಳಿಗೆ ಯಾವುದೇ ನಿರ್ಬಂಧ ಇಲ್ಲ.
➤ ಟೆಲಿಕಾಂ, ಇಂಟರ್‌ನೆಟ್‌, ಕೇಬಲ್‌ ಸೇವೆ ನೀಡುವ ಸಿಬ್ಬಂದಿ ಕಾರ್ಯ ನಿರ್ವಹಿಸಲು ಅವಕಾಶ ನೀಡಲಾಗಿದೆ. ವಾಹನಗಳು, ಸಿಬ್ಬಂದಿ ಓಡಾಟಕ್ಕೂ ಅವಕಾಶವಿದೆ.
➤ ಅಗತ್ಯ ಇರುವಷ್ಟೇ ಸಿಬ್ಬಂದಿ ಐಟಿ ಕಂಪನಿಗಳಲ್ಲಿ ಕಚೇರಿಗೆ ಬರಬೇಕು. ಉಳಿದವರೆಲ್ಲರೂ ಮನೆಯಿಂದಲೇ ಕೆಲಸ ಮುಂದುವರಿಸಬೇಕು.
➤ ಇ-ಕಾಮರ್ಸ್‌ ಮೂಲಕ ಎಲ್ಲಾ ರೀತಿಯ ಡೆಲಿವರಿಗೂ ಮುಕ್ತ ಅವಕಾಶವಿದೆ.
➤ ವಿದ್ಯುತ್‌ ಉತ್ಪಾದನೆ ಮತ್ತು ಸರಬರಾಜಿಗೆ ಸಂಬಂಧಿಸಿದ ಚಟುವಟಿಕೆಗಳಿಗೂ ಅವಕಾಶವಿದೆ.
➤ ‘ಸೆಬಿ’ಯಿಂದ ಅನುಮತಿ ಪಡೆದಿರುವ ಕ್ಯಾಪಿಟಲ್‌ ಮತ್ತು ಡೆಬ್ಟ್‌ ಮಾರ್ಕೆಟ್‌ಗಳಿಗೆ ನಿಷೇಧ ಅನ್ವಯಿಸುವುದಿಲ್ಲ.
➤ ಕೋಲ್ಡ್‌ ಸ್ಟೋರೇಜ್‌ ಮತ್ತು ವೇರ್‌ಹೌಸ್‌ಗಳಿಗೆ ಅನುಮತಿ ಇದೆ.
➤ ಖಾಸಗಿ ಭದ್ರತಾ ಸೇವೆಗಳಿಗೆ ಅನುಮತಿ ಇದೆ.
➤ ವಿಮಾನಯಾನಕ್ಕೆ ಸಂಬಂಧಿಸಿದ ಚಟುವಟಿಕೆಗಳಿಗೆ ಅವಕಾಶವಿದೆ.
>>ನಿರ್ಮಾಣ, ಕೈಗಾರಿಕೆಗಳಿಗಿಲ್ಲ ಅವಕಾಶ
➤ ಅಗತ್ಯ ವಸ್ತುಗಳ ಉತ್ಪಾದನಾ ಘಟಕಗಳಿಗೆ ಮಾತ್ರ ಅನುಮತಿ ಇದೆ.
➤ ನಿರಂತರ ಪ್ರಕ್ರಿಯೆಯ ಅಗತ್ಯವಿರುವ ಉತ್ಪಾದನಾ ಘಟಕಗಳಿಗೆ ಅವಕಾಶ ಇದೆ.
➤ ಕೈಗಾರಿಕೆಗಳು / ಕೈಗಾರಿಕಾ ಸಂಸ್ಥೆಗಳು / ಉತ್ಪಾದನಾ ಘಟಕಗಳು (ಸರ್ಕಾರಮತ್ತು ಖಾಸಗಿ) ಆಂತರಿಕ ಸಿಬ್ಬಂದಿಯೊಂದಿಗೆ ಕಾರ್ಯ ನಿರ್ವಹಿಸಲು ಅಡ್ಡಿ ಇಲ್ಲ. ಅಂದರೆ ಆಯಾ ಕೈಗಾರಿಕೆ ಪ್ರದೇಶದ ಒಳಗೆ ಆ ಸಿಬ್ಬಂದಿಗಳು ವಾಸವಾಗಿರಬೇಕು.
➤ ಮುಂಗಾರು ಪೂರ್ವ ತಯಾರಿಯ ಚಟುವಟಿಕೆಗಳನ್ನು ನಡೆಸಲು ಅವಕಾಶ ನೀಡಲಾಗಿದೆ..
➤ ಎಲ್ಲಾ ನಿರ್ಮಾಣ ಚಟುವಟಿಕೆಗಳಿಗೆ ಅವಕಾಶವಿದೆ. ಆದರೆ ಕಾರ್ಮಿಕರು ಅಲ್ಲೇ ಇದ್ದಲ್ಲಿ ಮಾತ್ರ ನಿರ್ಮಾಣ ಚಟುವಟಿಕೆ ಮುಂದುವರಿಸಬಹುದು. ಕಾರ್ಮಿಕರ ಪ್ರಯಾಣಕ್ಕೆ ಅವಕಾಶವಿಲ್ಲ.
>> ಮದುವೆಗೆ 50 ಜನ, ಅಂತ್ಯಸಂಸ್ಕಾರಕ್ಕೆ 5 ಜನ!
➤ ಈಗಾಗಲೇ ನಿಗದಿಯಾಗಿರುವ ಮದುವೆಯಲ್ಲಿ 50 ಜನ ಮಾತ್ರ ಭಾಗವಹಿಸಬಹುದು. ಅಂತ್ಯಸಂಸ್ಕಾರದಲ್ಲಿ ಕೇವಲ 5 ಜನ ಭಾಗವಹಿಸಲು ಅವಕಾಶವಿದೆ. ಅಲ್ಲೂ ಕೊರೊನಾ ನಿಯಮಗಳನ್ನು ಕಟ್ಟು ನಿಟ್ಟಾಗಿ ಪಾಲಿಸಲೇಬೇಕು.
ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಮಾಸ್ಕ್ ಧರಿಸದಿದ್ದರೆ 250 ರೂ. ಹಾಗೂ ಉಳಿದೆಡೆ 100 ರೂ. ದಂಡ ವಿಧಿಸಲು ಆದೇಶಿಸಲಾಗಿದೆ.
ಮಾಸ್ಕ್ ಹಾಗೂ ಸ್ಯಾನಿಟೈಸರ್ ಬಳಸಿ, ಕೊರೋನಾ ನಿಯಮಾವಳಿ ಮತ್ತು ಸುರಕ್ಷತಾ ಕ್ರಮಗಳನ್ನು ಪಾಲಿಸಿ, ಕೊರೋನಾ ವಿರುದ್ಧದ ಈ ಹೋರಾಟದಲ್ಲಿ ಸಹಕರಿಸಿ.. ಸುರಕ್ಷಿತವಾಗಿರಿ. ಇದು “ವಿಜಯ್ ಭಾರತ ಪತ್ರಿಕಾ ಬಳಗದಿಂದ” ಮಾಧ್ಯಮ ಕಳಕಳಿ.